Presonis: presoneri in Bad’e Carros fait apellu a sa Procura po essi operau

(IlMinuto) – Casteddu, 15 de su mes''e martzu - No funt bastaus annus e annus de dimandhas mai pigadas in cunsidériu impari a su pàrriri de is datoris no funt bastaus. Unu presoneri de su presoni de Bad’e Carros at depiu fai apellu atressu de un'espostu-dinúntzia a su Procuradori de sa Repúbbrica de Nùgoro po essi ricoverau di modu de essi sutapostu a s'operatzioni a su nasu e su gúturu po ammellorai a sa respiratzioni e evitai a su noti is alluporis. "Sa saludi posta mali meda e su pirígulu de no si ndi scidai - scririt su presoneri in d-una lítera mandada a Sdr - m'est stetia fatta notai puru de su Dirigenti de s'area sanitaria de s'Istitutu e de àterus datoris".