Isciòpiru de is furisteris: in Tàtari is propostas in su Consillu comunali de su Cumitau "Primo Marzo"

(IlMinuto) - Casteddu, 1 de su mes''e martzu - Puru ocannu Tàtari si movit po nai de no a su ratzismu e si movit po s'isciòpiru de is furisteris de su primu de su mes''e martzu. Custu merì su curteu antiratzista at cumentzai de is 16.30 de sa pratza de su Comunu e at a acabbai cun d-unu sit in in pratza Azuni. In s'apustiprangiu una delegatzioni de manifestantis at intrai in s'àula de su Comunu de Tàtari po ligi e intregai a is consilleris comunalis unu documentu cun is pretesas e is propostas de su Cumitau "Primo Marzo". "Dógnia personi chi in su coru tenit sa tutela de is diritus e chi cundividat s'arrefudu de su ratzismu e chi manifestit s'apíliu po una sociedadi prus giusta - si ligit in d-una nota - est cumbidada a participai a sa cosa".