Festa de sa Fémina: bisitas de cuntrollu a gratis in su Binaghi

(IlMinuto) – Casteddu, 8 de su mes''e martzu - Su centru de is Féminas de s'Ispidali Binaghi de Casteddu po s'8 de su mes''e martzu oberrit is ennas a totus is féminas. Oi de is 8.00 a is 13.00 is operadoris ant essi disponìbilis po totus is féminas chi ant a bolli fai a gratis una bisita a su petus, una mammografia, unu pap test, una bisita ginecologica o puru po dimadhai scedas. "Su personali sanitàriu e sa psicologa - si ligit in d-una nota - ant a arrespundi a totus is dimandhas chi is féminas ant a bolli fai de calisisiat argumentu: de sa gravidanza a su papilloma virus, a su prevenimentu de is tumoris".