"Aumentai a sa Tarsu candu sa crisi si corpit" sa lítara de su Cumitau Santu Austinu a is consulleris comunalis de S'Alighera

(IlMinuto) – Casteddu, 23 de su mes''e martzu - Is aumentus de sa pagamenta asuba de s'arregorta de s'àliga at corpiu a is citadinus de S'Alighera própriu in su mamentu prus forti de sa crisi. Est cantu denunciat cun d-una lítara oberta a is consilleris comunalis de sa citadi su Cumitau de su bixinau Santu Austinu. Su Cumitau no protestat e bastat, ma ponnit asuba de sa mesa de s'amministratzioni comunali aligheresa duas propostas: Insertai in su Bilànciu comunali "una summa po s'abatimentu de cantu depiu, po is citadinus chi no arribant a unu tanti rédditu de determinai" e donai sa pobbibbilidadi a totus is citadinus de S'Alighera "de podi pagai a ratas su própriu dépidu" cun s'amministratzioni "in mesura cumpatìbili cun sa natura de sa pagamenta etotu". "Si permiteus puru de si nai de fai - si ligit in sa lítara inidiritzada a is Consilleris comunalis de S'Alighera - una setziada de Consillu, dedicada a su tema de s'arregorta de sàliga, po sciolli una borta po sèmpiri, unu tema chi tratit de sa calidadi de sa vida de is citadinus de su logu".