UN'ANNU FAIT. Traballu. Alcoa: produtzioni assegurada po ses mesis. Operàjus Vinyls ocupant a su presoni de S’Asinàra

(IlMinuto) – Casteddu, 26 de su mes”e fiàrgiu de su 2011 – Unu pagu de àlidu po is traballadoris de s’Alcoa. Sa produtzioni in is istabbilimentus de Portovesme e Fusina at a sighiri assumancu po ses mesis ancora fintzas a candu no at a arribbai s’arrespusta de s’Unioni Europea po is iscontus de fai a su prétziu de s’energia elétrica. Est cantu est stetiu nau ariseru a sa fin''e de s’atóbiu tra su Guvernu e sa multinatzionali de Pittsburgh. Po Susanna Camusso, de sa segreteria confederali de sa Cgil, is impignus de s’aziendha funt ancora pagu meda . “Depit essi craru – at nau – ca sa produzioni de s’allumíniu depit abarrai in Itàlia”. In su trastempus sighit sa lota de is traballadoris de sa Vinyls de Pòrtu Turre: ariseru 15 operàjus de s’aziendha chímica ant ocupau, in po sa protesta chi cussus puru funt mandendi ainnantis, unu corru de su presoni de S’Asinàra.