Turismu: in Bosa workshop po creai un'"identidadi comuna" tra is operadoris

(IlMinuto) – Casteddu, 21 de su mes''e fiàrgiu - Aumentai s'agiudu càmbiu tra is protagonistas de su turismu - entis de su territóriu, operadoris e professioneris - e creai un'identidadi comuna tra is artesanus e is produtoris alimentaris prus bravus. Est custu s'obbietivu de su primu "Workshop di cooperazione per il Turismo", in programma in Bosa de su 26 a su 27 de su mes''e fiàrgiu in su Teatru comunali de pratza Gioberti. Is duas diris - chi ant a trisinai 22 Comunus de tres Provìntzias diversas - funt apogiadas de su Comunu de Bosa e tenit s'acotzu de s'Assessorau a su Turismu de sa Provìntzia de Aristanis. "Su meeting - si ligit in d-unu comunicau de imprenta - at a benni acumpangiau de progetus meda chi ant a caraterisai su cumentzu de su Carnovali busincu, rassigna chi s'at a sboddiai in d-una fibera de eventus importantis chi andant de su 24 de su mes''e fiàrgiu fintzas a s'8 de su mes''e martzu".