"Tennistavolo": su Norghìddo bincit a is austriacus de su Wiener Sportklub Amateure

(IlMinuto) – Casteddu, 28 de su mes''e fiàrgiu - Torrat a binci in Europa su "tennistavolo" sardu. Sàbudu passau sa scuadra de Norghìddo at difatis bintu in domu, po 4 a 0, a su team austriacu Wiener Sportklub Amateure intrendi aici in cuartus de finali de sa TT Intercup. "Bastat - si ligit in d-una nota de imprenta - un'àtera bitória po arribbai a sa fasi finali a cuatru chi s'at a tenni a sa fin''e su mes''e maju in Roanne, in su dipartimentu de sa Loira, in Francia. Ma is norghiddesus etotu tenit dúbbius chi su turnu chi benit at essi fàcili, poita andendi sèmpiri ainnantis sa cosa si fait sèmpiri prus difícili".