“Stop al massacro di Gheddafi”. In Casteddu sit in de Amnesty e “Sardegna-Palestina”

(IlMinuto) – Casteddu, 25 de su mes''e fiàrgiu - Puru s'Ísula cabat in pratza po pediri sa fine de su maceddu de sa genti chi protestat in Libia. Custu merì in Casteddu (18.00, pratza Costituzione) s'at a tenni difatis unu sit in aprontau de s'Assótziu "Sardegna Palestina" e de Amnesty International. "Est diritu de dógnia pópulu - si ligit in d-una nota - manifestai in paxi po is diritus suu e est unu doveri nostru a ddus acotzai. Tocat a difèndiri a sa genti senz''e armas chi est cabada in pratza po pediri sa fin''e sa ditadura de Gheddafi, setziu in cadira de 42 annus". Amnesty e "Sardegna Palestina" pedint puru de dd'accabbai cun sa furnidura de armas a sa Libia e de ponni fini a sa violazioni de is diritus umanus e fueddendi a s'Itàlia ddi nant de no arreconnosci prus is acórdius cun sa Libia in matéria de immigrazioni.