Sanidadi. Sa bitória de "Viva la Vita": a pustis de su presídiu 1,5 millionis de eurus in prus po su progetu "Ritornare a casa"

(IlMinuto) – Casteddu 23 de su mes''e fiàrgiu - De oi ddoi est prus dinai po "Ritornare a casa", su progetu po s'assistu in domu a chini sunfrit de maladias grais chi andant sèmpiri peus, maladias chi tenint bisóngiu de bentuladura mecànica fissa. Sa Giunta regionali at difatis aprovau una delíbbera chi donat 1,5 millionis de eurus in prus po su progetu, comenti nau a pustis de su sit in de is malàdius Sla chi s'est tentu a metadi de su mes''e paschixèdda. "S'assessori Liori - cummentat Salvatore Usala, segretàriu de s'assótziu "Viva la Vita Sardegna Onlus" - at arrespetau a is impignus pigaus in s'atóbiu chi s'est tentu in ocasioni de su presídiu de su 16 de paschixèdda de su 2010".