Presonis. Sdr. "In Buoncammino est presonera una giovunedda príngia"

(IlMinuto) – Casteddu, 18 de su mes''e fiàrgiu - No tenit pàsiu s'atividadi de s'Assótziu "Socialismo Diritti e Riforme" in matéria de presonis. Cun d-una nota s'Assótziu chi tenit comenti presidenti a Maria Grazia Caligaris denunciat immoi su casu de una giovunedda de sa Letonia, príngia e presonera in abetu de giudítziu in su penitentziàriu de Buoncammino de Casteddu cun s'acusa de favoressimentu de sa prostitutzioni. "Est craru - precisat Caligaris - chi una fémina príngia no podit abarrai aintru de una cella, poita ddi depint essi asseguradas is cunditzionis igiénicas giustas e puru sa dieta giusta. In custu casu seus fueddendi de un'ingraidéntzia de pagu prus de ses cidas, is prus delicadas po sa vida".