Presonis: arribbat su fiantzeri de is presoneris. Zuncheddu (Rossomori): "sinnali de civiltadi"

(IlMinuto) - Casteddu, 3 de su mes''e fiàrgiu - Sa Regioni Sardigna at a tenni cantu primu unu "fiantzeri de is pe is personis chi funt in presoni". Ariseru su Consillu regionali at aprovau cun 59 votus favoràbilis e duas astensionis sa lei regionali proposta de Claudia Zuncheddu e de sa Cummissioni Diritti civili. "De sa Sardigna - cummentat su consilleri regionali de is Rossomori - aundi is operadoris cartzeràrius funt fadendi totu cussu chi ddoi est fai po evitai a situatzionis úrtimas, arribbat fiamenti unu sinnali de civiltadi giurídica". Su fiantzeri - aici previdit sa lei - at essi "un'istrumentu autónomu, de foras e indipendenti cun su cómpitu de garentiri a is personis presoneras in is presonis, s'arrespetu reali de is diritus civilis".