Presonis, acuntéssia Ascone. Sdr: "Su Dap negat su diritu a sa saludi e a sa territorialidadi de sa pena"

(IlMinuto) - Casteddu, 8 de su mes''e fiàrgiu - Michele Ascone, 32 annus de Gioia Tauro, no podit prus abarrai in su presoni de Bad’e Carros. Dd'at istabbiliu 10 mesis fait un'ordinàntzia de su magistrau de guardania de Nùgoro, ma su provedimentu est stetiu ignorau de su Dipartimentu de s'Amministratzioni penitentziària fintzas a immoi. Est cantu denunciat cun d-una nota su presidenti de s'Assótziu Socialismo Diritti e Riforme, Maria Grazia Caligaris. "Custu giòvanu - acrarat Caligaris - est aici obbrigau a patiri su mancau apricu de sa territorialidadi de sa pena e una lesioni a sa saludi". Nonostanti is daboris mannus e s'auséntzia de agilidadi a sa  manu po s'amputadura partziali de su bratzu sinistru su presoneri no benit difatis curau comenti at nau su médicu.