Mostras: unu viàgiu in s'"istoria de is màginis" cun is fotografias de Campus

(IlMinuto) – Casteddu, 25 de su mes''e fiàrgiu _ "Calincuna istoria abarrat scéti aintru de cu coru nostru, e scéti unu fueddu, sa pinna o su pinzellu dda podit comunicai. Àteras funt imprìmias in d-una pellícula on in d-unu sestu de pixel e, in calencunu modu, non funt prus nostras e basta, funt de totus". (Giovanni Maria Campus)

Est aghillia de ariseru mangianu in s'intrada de su T Hotel sa mostra fotografica de Giovanni Maria Campus. S'aparada presentat prus de centusessanta fotografias e nascit de s'agiudu càmbiu tra su T Art de su T Hotel e s'architetu e assessori a s'Urbanistica de su Comunu de Casteddu. In sa mostra ddoi funt - si ligit in d-una nota - "istorias de màginis, giogus de luxi e umbras, s'atzioni cumbinada tra línias e curvas, carínnius de caboris e sfumaduras s'imbrassant senz''e lógica, fuendu de sa banalidadi e de cussu chi ammostant is cartolinas".Cussu de Campus est unu contai senz''e arrégulas, cun issu su màgini viagiat in is sensatziònis. A fai prus arrica sa mostra ddoi ant essi puru is màchinas fotograficas de sa colletzioni privada de s'architetu, chi de is annus Sessanta funt stetias is protagonistas de s'istoria de is fotografias nostras: s'Agfa a Cassetta (6×9), sa Ducati (18×24), sa 35mm Rectaflex, sa 6×6 Hasselblad, e diversas digitalis. Sa mostra s'at a podi bisitai fintzas a su 6 de su mes''e martzu de su 2011 totus is diris, cun intrada libbera, de is 9.00 a is 23.00.