Massaria: marca Dop po sa canciofa spinosa de Sardigna

(IlMinuto) - Casteddu, 8 de su mes''e fiàrgiu - Apustis de tantu sa canciofa spinosa si podit bantanai de ai tentu sa marca Dop. Cun sa pubblicatzioni in sa Gratzeta Uficiali Europea de cenàbara su prodotu intrat difatis in forma uficiali a fai parti de su Registru de is denominatzionis de origini amparada. Ddu fait sciri cun d-una nota s'Assessorau regionali de sa Massaria. S'insertamentu in s'elencu de is prodotus Dop at a permiti - cummentat s'assessori Andrea Prato - de "Avalorai sa produtzioni de sa canciofa spinosa e de protegi sa caraterística sua de is abbusus e de is imitatzionis".