Football: is campionis de su Crusarders Casteddu in Roma po difèndiri su títulu italianu

(IlMinuto) – Casteddu, 25 de su mes''e fiàrgiu - Cummintzat de Roma su campionau de su 2011 de football americanu de is Crusaders Casteddu. Domínigu chi benit sa scuadra sarda - in su campionau natzionali - at a giogai in su campu de s'"Infernetto", a is 14.30, sa "Legione XIII". "Si bint totus comenti sa scuadra de binci poita seus is meris de su títulu" precisat su presidenti Emanuele Garzia. "E non est po nudda - narat Garzia - ca is boxis narant chi su gironi nostru siat su prus forti e chi at essi custu gironi a decretai una de is finalistas"