"Curare chi cura": cumentzat s'atividadi de su centru d'ascurtu po is familiaris de is maladius de Alzheimer

(IlMinuto) - Casteddu, 3 de su mes''e fiàrgiu - Novidadi importanti po is parentis e is assistentis de is maladius de Alzheimer. Lúnis chi benit at essi difatis inaugurau - in su repartu "Geriatria" de s'ispidali SS Trinità de Casteddu - su Centru Ascurtu de su progetu "Curare chi cura". "Su programma - si ligit in d-una nota est promòviu de s'Assótziu Socialismo Diritti e Riforme e at a permiti de fai a gratis collóchius de apógiu individualis o familiaris po agiudai a chini si ocupat de personis antzianas arrimadas". A disposta de is familiaris de is maladius ddoi at essi - gratzias a una borsa traballu finantziada de Sdr - sa psicologa Marta Malgarise. Po pigai is apuntamentus tocat a telefonai a su númeru 329/3652772, su lúnis apustisprangiu de is 15.00 a is 18.00.