Contienda Vinyls: sartat s'acórdiu Eni-Gita. Cassintegraus: "No abbusai de sa passéntzia nostra"

(IlMinuto) - Casteddu, 4 de su mes''e fiàrgiu - A pustis de 345 diris de ocupatzioni de s'ex presoni de S'Asinàra su tempus benidori de is traballadoris Vinyls sighit a essi dubbitosu. S'atóbiu tra Eni e Gita - chi iat a depi pigai s'istabilimentu de Pòrtu Turre - de lúnis passau in Milanu no at portau a sa firma de nisciunu acórdiu. Is operàjus de s'ísula de is cassintegraus no funt trancuillus. "Tra nos - si ligit in su diàriu online - ddoi est unu pagheddu de apinnicu nàsciu po mori chi is duas sociedadis Eni e Gita no apant ancora firmau s'acórdiu preliminari. S'ispériu nostru est chi nemus fatzat is cuaddus, chi nemus blochit a s'arrennéscia de sa cosa. No tocat a abbusai de sa patzéntzia de is operàjus chi ant sceberau de interrai a su scrafeddu de gherra".