Usb a Cappellacci e Sacconi: "Eus a donai boxi a chini no fueddat in is cunvegnus de bosàterus"

(IlMinuto) - Casteddu, 21 de su mes''e gennàrgiu - Fai intendi a su ministru de su Welfare, Maurizio Sacconi, e a su presidenti de sa Regioni, Ugo Cappellacci, sa boxi de is disimperaus, de is precàrius e de is istudiantis. Cun custu obbietivu su sindacau Usb at aprontau po lúnis chi benit in Terranòa unu presídiu a fac''e sa sedi de su Museu Archeológicu, aundi, a cumentzai de is 9.00, s'at a tenni unu cunvegnu asuba de is chistionis de su traballu, cun sa participatzioni de is duus rapresentantis de su Guvernu e de sa Giunta. "Naraus - si ligit in d'una nota - a is personis, a is movimentus e a is organizatzionis, de participai a sa cosa po costruiri unu cordinamentu popolari sardu contra a sa crisi, a su precariau, a su disimpreu e a s'isfrutamentu.