UN'ANNU FAIT. Bonelli (Verdi): puru sa Sardigna in s’elencu de is centralis nuclearis: "Isfidaus a su Guvernu a si sminciri"

(IlMinuto) – Casteddu, 26 de su mes''e gennargiu de su 2009 – Ddoi est puru Aristanis in s’elencu de is centralis nuclearis bófias de su guvernu Berlusconi. Est cantu afirmat cun d’una nota su presidenti natzionali de is “Verdi” Angelo Bonelli. “De is noas chi s’arribbant de su movimentu ecologista francesu – scririt Bonelli – cunfirmaus ca Edf e Enel ant sceberau, po fai is centralis nuclearis bófias de su Guvernu Berlusconi, is logus chi iaus giai fattu connosci e chi funt: Montaltu de Castru (Viterbu), Borgu Sabotinu (Latina), Trinu Vercellesu (Vercelli), Caorsu (Piacenza), Aristanis, Palma di Montechiaro (Agrigentu), Monfalcone (Gorizia) e Chioggia (Venezia). Isfidaus a su Guvernu a si sminciri faendusì connosci su rolu”. “Su nucleari chi su Guvernu bollit impòniri a sa marolla a is italianus in is logus sceberaus – narat su leader de is ‘Verdi’ – no est po nudda baratu e est perigulosu. Po custu sa mobilitada nostra contra a unu sceberu chi fait mali a s’Itàlia at a sighiri cun forza: eus giai arregortu 30milla firmas de aprou po su referendum contra a sa torrada de su nucleari.