"Una retza permanenti contra a is basis e is gherras": in Casteddu assembrea cun Lorenzi e Lucchetti

(IlMinuto) - Casteddu, 26 de su mes''e gennàrgiu - "Creai in Sardigna una retza permanenti contra a is basis e is gherras". Est custu s'obbietivu de s'atóbiu chi s'at a tenni sàbudu 5 de su mes''e fiàrgiu in Casteddu. A s'assembrea pròmovia de su "Minatore rosso" Antonello Tiddia, in programma a is 16.00 in sa sedi de bia Maddalena, ant a participai puru Walter Lorenzi e Robero Lucchetti de sa "Rete Disarmiamoli". "Sa 'Rete Disarmiamoli' - si ligit in d'una nota - nascit comenti evolutzioni de su Cumitau Natzionali po su Retiru de is Trupas. Su fàbbricu de una retza natzionali contra a is basis de sa gherra e sa militarizatzioni de sa sociedadi est possíbbili a fac''e  lógicas de gherra sèmpiri prus mannas ".