Trincas (Asarp): "In Casteddu su Serbítziu Psichiatricu esti stetiu trasferiu in d'un'istrutura cartzerària"

(IlMinuto) – Casteddu, 5 de su mes''e gennàrgiu - Su Serbítziu de Diàgnosi e Cura 1 de Casteddu esti stetiu trasferiu, po immoi, in d'un'area de s'ispidali torrada a ponni a postu e atressada po aghilliri un'istrutura cartzerària sanitària. Ddu denunciat cun d'una nota pubblicada in su social network Facebook Gisella Trincas, presidenti de s'Arsap. Su Serbítziu - acrarat Trincas - est "cussu chi est andau a fogu de pagu, cussu aundi est mortu acapiau su Signor Casu, cussu chi sighit a immobilizai a sa genti". "Una chistioni sanitària - precisat sa presidenti de s'Arpas - no at agatau solutzionis aintru de su sistema sanitàriu púbblicu. Is àteras solutzionis [...] no funti stetias nemmancu pigadas in cunsidériu! Duncas una personi chi andat in su serbítziu de saludi mentali po essi agiudada a superai sa crisi, in cussu momentu de bisóngiu mannu chi iat a tenni necessidadi de logus e pràtigas giustas [...], s'agatat 'aghillia' in d'una cella. Certu, cun s'enna de ferru oberta, ma in d'una cella cinixali!".