Traballadoris Vol2.0. Slc Cgil: “Sa contienda no est ancora serrada. Cappellacci arrespetit a is impignus”

(IlMinuto) - Casteddu, 20 de su mes''e gennàrgiu - A cuatru mesis de sa firma de s'acórdiu Regioni-Comdata funt 123 is traballadoris ex Vol2.0 ancora senz''e traballu: sa contienda no est ancora serrada. Dd'arregordat, cun d'una nota a su presidentis de sa Regioni e a s'assessori de su Traballu, sa segreteria Slc Cgil de Casteddu. Su tempus benidori de cussus traballadoris ex Video on line 2 chi funt abetendi unu traballu - arregordat su sindacau - depit essi ancora scritu. "Traballadoris - precisat una nota sindacali - cun d'un'esperiéntzia de annus meda, ancora disimperaus, traballadoris chi pigant scéti su pagamentu de disimpreu e chi funt ancora in arragus mannus poita no funt stetius pagaus de sa Vol2. Pagamentus chi furiant in is acórdius fattus in is mesis passaus tra sa Regioni, su grupu Comdata e is Organizatzionis sindacalis". Su sindacau arregordat a sa Regioni s'arrespetu de is impignus pigaus in su mes''e cabudanni passau. "Nesciunu - cummentàt Cappellacci sa diri de sa firma de s'acórdiu - at essi lassau a una sorti mala, eus a intervenni cun totus is istrumentus possíbbilis po agiudai a cussus traballadoris chi no ant a podi essi pigaus a traballai de sa primu diri de atividadi".