Is traballadoris ex Vol2.0 torrant in pratza: “No si ndi scresceis de chini est ancora disimperau”

(IlMinuto) – Casteddu, 24 gennàrgiu - Sa contienda ex Vol2 no est serrada. Mérculis a mangianu, po s'atóbiu tra Regioni e sindacaus avisau po discútiri de is operadoris no ancora pigaus de Comdata, s'at a tenni difatis unu presídiu a fac''e sa sedi de s'Assessorau regionali de su Traballu, in bia XXVIII febbraio in Casteddu. Su 20 de su mes''e gennàrgiu, in Sestu, esti stetia inaugurada sa sedi noa de sa Comdata Eos, ma funt medas is traballadoris ex Vol2 aoi senz''e traballu. "Sa contienda Vol 2 - si ligit in d'una nota sindacali - est ancora oberta e bia, e ddu narant totus cussus chi ancora abetant una solutzioni a su própriu stadu de disimpreu. Cumbidaus insaras a is cullegas ca su 26 faint unu turnu de merì o chi funt de pàsiu, a manifastai sa própriu solidariedadi a is cullegas chi funt ancora disimperaus". "Sa newco – iant cummentau is rapresentantis de su grupu Comdata po s'inaugurazioni de sa sedi - tenit casi 400 postazionis de traballu e impitat oi 400 risorsas. Gràtzias a su contribbutu de sa Regioni Sardigna, s'aziendha at essi capaci de ammanniai s'orgànicu fintzas a 600 personis".