Torrai a fai imbolai sa contienda intradas "atesu de is logus de sa política". Cenàbara Marcia de Zuri 2011

(IlMinuto) - Casteddu, 19 de su mes''e gennàrgiu - Tres chilómitrus e mesu de camminu, si partit cenàbara chi benit a is 10.00 de sa Crésia de Santu Pedru po arribbai in sa Turri Aragonesa de Ilàrtzi. At essi custu su caminu de s'editzioni de su 2011 de sa Marcia de Zuri. "Un'eventu - acrarant is aprontadoris - aprontau atesu de is logus de sa política, ma in is logus símbolu de unu mali chi ferrit a totu s'Ísula, po precisai sa distàntzia de una classi política chi no est capaci de frimmai a sa crisi". A sa manifestada ant a participai cussus chi ant firmau sa "Carta de Zuri", Cgil, Cisl, Uil, Coldiretti, Anci, Ups, Acli e puru síndhigus e amministradoris provintzialis. "Tra is prioridadis de sa manifestada - acrarant is aprontadoris - ddoi est sa pretesa de is intradas e de is finantziamentus (Fas) negaus de s'Istadu, risorsas necessàrias po cumbati is poberesas e po fai torrai a bolai s'isvilupu e su traballu".