"Tennistavolo" Tomasi torrat in natzionali

(IlMinuto) – Casteddu, 13 de su mes''e gennàrgiu - S'annu nou cumenzat beni po is tifosus sardus de su "tennistavolo". Su campioni assolutu italianu in sa Marcozzi Casteddu, Stefano Tomasi, esti stetiu convocau torra in sa natzionali guidada de su ténnicu Lorenzo Nannoni a pustis de tre mesis de ausétzia. Is otimus arresurtaus de s'últimu trimestri ant difatis cumbintu su staff asullu a torrai a pigai in scuadra a Tomasi. Acuntentamentu mannu de s'atleta trentinu, in is ambientis de sa natzioni de prus de 12 annus. "Sperau in custu - cummentat Tomasi - a pustis de tres mesis de astinéntzia de sa natzionali custa lamada est cussu chi mi mancaàt. Custu stresiamentu m'est serbiu po cambiai is métodus tènnicus".