Su mercau contra a sa crisi est realidadi, de domínigu in Pauli s'arregorta de is firmas po sa 'stabilizazioni'

(IlMinuto) – Casteddu, 7 de su mes''e gennàrgiu - Su mercau òperas de s'ingéniu e de s'usau de Pauli est realidadi. Domínigu 9 de su mes''e gennàrgiu, de is 8.00 a is 14.00, sa rotonda de bia Porto Botte at a aghiliri prus de 30 fascellus. Sa cosa, cuncodrada cun s'amministratzioni comunali, cumentzat "comenti esperimentu". S'intentzioni de su Cumitau aprontadori est perou de fai diventai su mercau un'apuntamentu fissu, "cuncodrendi cun s'amministratzioni comunali is modus e is tempus po ddu podi fai". "Po custu - si ligit in d'una nota - domínigu ant a esi arregortas is firmas de apógiu de sa genti". "Su mercau - precisant Alberto Atzori e Salvatore Drago po su Cumitau aprontadori - est po su prus po sa genti chi no tenit dinai, est a nai po cussus prus débbilis, chi ant a podi aparai s'usau insoru, ma puru po artesanus e 'artistas' chi bollint fai connosci su chi faint, ma no scéti, ddoi ant essi puru is assótzius e is cumitaus chi bollint acrarai is istànzias insoru e is bideas insoru a su líbberu dibbatidu".