Strossa ambientali E.On. Alessandra Giudici: “Su Guvernu declarit su stadu de destrossa naturali”

(IlMinuto) - Casteddu, 20 de su mes''e gennàrgiu - "Sa strossa fatta de sa bessida de ollu cumbustìbili in su portu po mori de s'impiantu de s'E.On at pigau proportzionis malas meda, dimandhaus a su presidenti de su Consillu de is Ministrus de arreconnosci su stadu de destrossa naturali". Est custu s'apellu chi sa presidenti de sa Provìntzia de Tàtari, Alessandra Giudici, fait a su Guvernu candu, a dexi diris de s'acontéssia de Pòrtu Turre, sa "marea niedda" est arribbada fintzas a Lungone. "Dimandhaus - precisat Giudici - s'interventu de su Guvernu po remediai a cussu chi po sa Tramuntana otzidentali de sa Sardigna est una beru sciarrocu, po s'ambienti e po sa saludi, po s'economia e is produtzionis". Sa presidenti de sa Provìntzia fueddat a s'E.On dimandhendiddi de cambiai is impiantus chi andant a ollu combustìbili, impiantus chi faint dannu meda a s'ambienti, est a nai ddis dimandhat de "fai debressi unu grupu nou chi andit a craboni.