"Sorvegliare e punire": cenàbara in Casteddu assembrea asuba de is políticas opprimidoras

(IlMinuto) – Casteddu, 25 de su mes''e gennàrgiu - Denunciai pubblicamenti a is políticas de repressioni e de acusa de is movimentus políticus e socialis. Custu s'obbietivu de s'assembrea "Sorvegliare e punire", in programma cenàbara chi benit a is 18.00 in sa sedi de su "Cagliari Social Forum", in bia Lanusei 19/a. A s'atóbiu, chi at essi presentau de Dina Raggio (Csf) e cordinau de Roberto Loddo (Assótziu 5 novembre), at a participai puru s'abbogau Elias Vacca. "Est un'istoria bécia epuru sèmpiri atuali", si ligit in d'una nota. "In su momentu chi su poderi no arrennescit a gestiri su scuncórdiu sociali cun is políticas chi arrespundint a is bisóngius de is citadinus, eccu ca recurrit a sperimentai políticas opprimidoras cun leis comenti su crìmini de clandestinidadi po is furisteris, provedimentus occasionalis [...] o cichendi de ammenguai is manifestadas de conflitu sociali scéti a chistionis de órdini púbblicu". In s'assembrea - promovia de "Cagliari social forum", Assótziu 5 novembre, "Collettivo Anticapitalista" e "Rete Antirazzista" - at essi presentau un'apellu contra a is políticas opprimidoras.