Sa lei e sa carena de is féminas: in Casteddu assembrea e proietzioni a 30 annus de "Processo per stupro"

(IlMinuto) - Casteddu, 17 de su mes''e gennàrgiu - Sighit cun su dibbàtidu "A pustis de trent'annus de "Processo per stupro". Sa carena de is féminas in sa lei italiana", sa rassigna de cínema "Femminile plurale". A s'apuntamentu, chi s'at a tenni custumerì in Casteddu in is aposentus de bia Montesanto 28, ant a participai Silvia Niccolai, maista de Diritu púbblicu, e Marcella Pirrone, abbogau e consulenti legali de su Centru "Antiviolenza e Casa delle Donne" de Meranu. S'atóbiu at essi sighiu a is 20.30 de sa proietzioni de "Processo per stupro" de Luciana Dordi, fattu biri de sa Rai in su 1979.Cun su documentàriu - si ligit in d'una nota - "po sa primu borta in Itàlia is telecameras intrant in tribbunali, in Latina, po registrai su processu po su sfloramentu de Lorella, fattu de cuatr'óminis, unu de custus, unu chi sa fèmina connosciàt, dd'iat atirada in d'una villa de Nettunu promitendiddi unu traballu. Sa martiri diventat debressi s'acusada: comenti narat Tina Lagostena Bassi, abbogau de parti civili, 'sa giustítzia furiat meba meda comenti is sfloradoris po una fémina in d'un'àula de trbbunali'".