Referendum: presentadas in Ulumedu is arrexonis de su SI contra a su nucleari

(IlMinuto) - Casteddu, 17 de su mes''e gennàrgiu - Sigit sa campagna de su Cumitau Sinonucle abetendi su referendum de su beranu chi benit, candu is sardus ant essi lamaus a arrespundi a sa dimandha: “Sei contrario all’installazione in Sardegna di centrali nucleari e siti per lo stoccaggio di scorie radioattive da esse residuate e preesistenti?”. Is arrexonis de su no a s'àtomu funti stetias presentadas cenàbara passau in Ulumendu, in d'un'atóbiu cun sa participatzioni de sa genti 'e su logu e de is rapresentantis de is assótzius, de is movimentus e de is organizatzionis políticas. Atressu de is datus ténnicus-scientíficus, su istudiosu de su Cnr Nicola Culeddu (Prc), at negau su mitu falsu de s'irminorigamentu de is costus de s'energia elétrica atressu de su nucleari. Sa boxi de su Cumitau Sinonucle, Bustianu Cumpostu (Sni), at - si ligit in d'una nota - "acrarau is arrexonis de sa lota a su nucleari atessu de sa proietzioni de filamus e slide, fueddendi po su prus de su diritu de is sardus a decídiri po su tempus benidori insoru".