Presonis. Sdr: "Fresi trasferiu de Nùgoro a Livornu a pustis de s'isciòpiru de su fàmini"

(IlMinuto) – Casteddu, 14 de su mes''e gennàrgiu - Alfio Freni, s'ergastolanu catanesu de 40 annus chi pedit cun insisténtzia, a pustis de 20 annus de presonia, de s'acostai a sa família e chi no fait unu collóchiu cun sa mamma de duus annus, at otentu unu trasferimentu po pagu tempus de su presoni de "Badu 'e Carros" de Nùgoro a su presoni "Le Sughere" de Livornu. Ddu fait sciri cun d'unu comunicau de imprenta Maria Grazia Caligaris, presidenti de s'assótziu "Socialismo Diritti e Riforme", chi calencunu mesi fait iat arregortu sa dinúntzia de sa mamma de su presoneri". "Po protesta in is cufrontus de su Dipartimentu de s'Amministratzioni penitentziària - precisat Caligaris - s'ómini iat fattu un'isciòpiru de su fàmini patendi, segundu cantu narat sa mamma, unu tratamentu de foras de conca, nonostanti fessat istasidu po mori de s'acanénciu longu de sa cosa 'e papai".