Presonis, Sdr: "Buoncammino a arriscu mannu seguresa". 25 tentaivus de suicìdiu in su 2010

(IlMinuto) – Casteddu, 11 de su mes''e gennàrgiu - 550 presoneris imbecis de is 340 previsiu. Unu centru clìnicu cun d'una trintina de ricoveraus. Unu suicìdiu in su 2010 e, sèmpiri in s'annu acabbau de pagu, àterus 25 tentativus de si ndi liai sa vida. Funt custus is númerus de su presoni casteddaiu de Buoncammino, un'istrutura - denunciat s'assótziu Socialismo Diritti e Riforme - sémpiri prus pagu segura po mori de sa mancàntzia de personali. "Sa mancàntzia crónica de Agentis di Politzia Penitentziària, cun d'unu deficit de casi 60 unidadis, e su númeru artu de presoneris ricoveraus in ispidali po maladias grais - precisat Maria Grazia Caligaris, presidenti de Sdr - funt ammenguendi in modu grai sa seguresa de su Presoni casteddaiu de Buoncammino e funt modifichendi is serbítzius internus custu dont apinnícu e ànsia a is presoneris e a is familiaris".