Presonis. In Parlamentu s'acuntéssia de Grazia Marine. Interrogatzioni de Rita Bernardini (Radicalis)

(IlMinuto) - Casteddu, 17 de su mes''e gennàrgiu - Est arribbada in Parlamentu s'acuntéssia de Grazia Marine, sa fémina de 74 annus presonera in su presoni de Badu 'e Carros, chi tenit una fibera de maladias crónicas e chi no podit nemmancu caminai. Sa deputada radicali Rita Bernardini at difatis presentau, a pustis de un'avisu de s'assótziu Socilismo Diritti e Riforme, un'interrogatzioni a is Ministrus de sa Giustítzia Angelino Alfano e de sa Saludi Ferruccio Fazio."Po una fémina aici antziana chi at sémpiri biviu in cundtzionis meda maladas - scririt Bernerdini - forsis iat essi giustu pensai a una pena prus lébia assumancu po dd'assegurai su mantenimentu de sa dignidadi". "Una fémina chi s'agatat in cunditzionis de saludi - cummentat sa presidenti de Sdr Maria Grazia Caligaris - po s'edadi chi tenit e pois diversas maladias grais sa fémina depit podi scontai sa pena in d'un'ambienti chi siat unu pagu mellus de cussu aundi s'agatat".