Presonis. Caligaris (Sdr): "No si funt ancora bius is 500milla eurus donaus de sa Regioni po s'apretu sanitàriu"

(IlMinuto) – Casteddu, 4 de su mes''e gennàrgiu - "Is 500 milla eurus donaus de sa Regioni po afrontai a s'apretu sanitàriu po is presoneris no funti stetius ancora donaus a is Istitutus". S'oberrit de parti de s'assótziu Socialismo Diritti e Riforme, un'àtera dinúntzia asuba de is cunditzionis de vida in is presonis sardus su 2011. "Sa sanidadi de is presonis - precisat sa presidenti de s'assótziu Maria Grazia Caligaris – no est unu fatu privau de cuatru gatus. In Sardigna interessat a casi 2.300 presoneris, una centina de médicus e infermeris e pesat in modu grai asuba de is agentis de Politzia Penitentziaria". Sa rapresentanti socialista acusat a is tardamentus de sa Regioni in sa passada de sa sanidadi de is presonis a is Asl. "Est apretosu - precisat - definiri is responsàbbilis de dógnia Asl [...]. Po Casteddu-Buoncammino si podit pensai a un'acotzu po is apretus e a sa creatzioni de su serbítziu de Guàrdia Médica".