"De su Regnu de is Savoia a s'Unidadi de Itàlia". Sdel: "Fallimentu de una mostra prena de fabas istóricas"

(IlMinuto) – Casteddu, 24 gennàrgiu - "Prus unu stand mannu de propaganda de is fortzas armadas chi una manifestada de tipu culturali". Cun custus fueddus Sperantzia de Libertadi, su grupu de is giòvanus de Sardigna Natzione, descririt sa mostra "Dal Regno di Sardegna all’Italia unita", aghillia in su Palatzu Régiu po is eventus chi afestant a is 150 annus de su stadu italianu. Is giòvanus de Sni denunciant a su "totali fallimentu de sa manifestada po númeru de bisitadoris" e una fibera de "fabas istóricas". "Su Regnu de Sardigna - scririt Sdel – no est sa proa de sa participatzioni de is sardus a su fàbbricu de s'Itàlia unia, ma scéti su metzu impitau po séculus de sa Crésia, de sa Spagna e de is Savoia [...]. Est duncas símbulu de s'asuria de is poténtzias mannas in is cunfrontus de is pópulus prus débbilis. Is Savoia ant pigau sa Sardigna po arziai a rangu reali [...]. A su pópulu ant fattu biri scéti sa faci de su scontróriu e de su colonialismu".