Comunalis in Casteddu. "Federazione della Sinistra": "A foras de su giogu de is primarias"

(IlMinuto) – Casteddu, 4 de su mes''e gennàrgiu - Sa "Federazione della Sinistra" bullat a is primarias chi s'ant a tenni primu de is eletzionis comunalis de Casteddu. "Contra a sa bufonada de is primarias - scrirint in d'una nota Jose Manca (Pdci) e Giuseppe Stocchino (Prc) - sceberaus s'unidadi e sa participatzioni". "De custu giogu - narant is duus rapresentantis de sa Fds - nos si ndi tiraus a foras. Sa "Federazione della Sinistra" at a sighiri a traballai asuba de cussu chi pensat siat diderus de prus importu: costruiri unu progetu a una proposta po sa citadi. In custu mesi eus a trisinai a is citadinus asuba de su programma, aprontendi campagnas púbblicas, fueddendi cun is assótzius casteddaius e eus a sighiri a traballai comenti burrincuns po s'unidadi de sa sinistra e de centru-sinistra". Is ex cumpàngius de partidu de Sinistra Ecologia e Libertà ant a presentai in veci comenti candidau a síndhigu a is primarias de su centrusinistra su consilleri regionali e comunali comunale Massimo Zedda.