Cínema: is caminus de is féminas in sa rassigna "Femminile plurale"

(IlMinuto) – Casteddu, 10 de su mes''e gennàrgiu - At a torrai a cumentzai oi a is 19.00, in bia Montesanto 28, in Casteddu, "Femminile plurale": sa rassigna cinematogragica aprontada de su círcolu de su cínema Laboratorio 28. Is amantis de su cínema ant a podi assisti a sa proietzioni de su cinergionali de Italo Pellini e Stefano Pontillo chi tenit come títulu "Hanno fretta e paura le donne in Sardegna" (Italia 1963, 7'). Su film at a benni precediu de s'atóbiu "Storie e prospettive del femminismo in Sardegna", cun Annarita Oppo e Nora Racugno. Su tema de su feminismu - si ligit in d'una nota - "cun is caminus suus, is diversas istorias suas, is logus e is personis chi dd'ant caraterisau e chi ddu caraterisant, at essi su coru de s'atóbiu chi at banni 'La politica del desiderio', cun Pinuccia Barbieri, Pia Brancadori, Annalisa Diaz, Maria Giovanna Piano. S'eventu, previdiu po cenàbara 14 de su mes''e gennàrgiu a is 19.00 in is aposentus de sa Cineteca Sarda, in s'arburada Trieste 126, at essi sighiu a is 20.30 de sa proietzioni de su documentariu "La politica del desidero", de Manuela Vigorita e Flaminia Cardini (Italia 2010,74'). Atóbiu e proietzioni funti stetius aprontaus cun s'agiudu de "La Libreria delle donne" de Milanu, su Centru Istudius e Documentazioni de is féminas de Casteddu, "La Circola" in su Cínema Alice Guy.