Ambienti. Cumitau "Non bruciamoci il futuro": "S'amministratzioni de Macumère no ascurtat a chini est contra a s'inceneridori"

(IlMinuto) - Casteddu, 19 de su mes''e gennàrgiu - "Is amministradoris de Macumère no bollint atobiai a is citadinus". Est cantu denunciat cun d'una nota, pubblicada in su blog uficiali, su Cumitau contra a s'inceneridori in Tossilo "Non Bruciamo il futuro". "In arrespusta a is dimandhas de atóbiu is últimas notas pubblicadas narant - is amministradoris e is rapresentantis insoru in su Consortziu Industriali e in sa Tossilo Spa, ant aprontau unu cunvegnu aundi ddoi ant essi medas amministradoris, políticus, istudiosus, imprendisoris, dirigentis e médicus  pagaus de issus, ma is citadinus no ant a podi pigai su fueddu". Narat su Cumitau, chi rapresentat milli e prus citadinus de Macumère - si ligit in d'una de is notas "Comenti si podit - dimandhat su Cumitau - nai ca unu cunvegnu comenti cussu aprontau si possat sostituiri a un'atóbiu obertu, aundi totus cussu chi ddoi andant iant podi espressai unu pareri e s'iant a podi cunfrontai po cicai de arribbaia una solutzioni bófia de totus?".