Abetendi su 28 gennàrgiu: In Casteddu duus corteus

(IlMinuto) - Casteddu, 26 de su mes''e gennàrgiu - No at tentu fortuna s'apellu - chi in pagus oras iat arregortu una cenetena de firmas - fattu a Cobas e Fiom poita cenàbara in Casteddu si fatzat scéti una manifestada po is isciòpirus bófius de Fiom e Cobas. Is operàjus, is istudiantis e is precàrius ant a depi sceberai si participai a su corteu de sa Fiom-Cgil (cun essida a is 9.00 in pratza Garibaldi) o a cussu aprontau de is Cobas, cun adesioni de Su Sindacadu de sa Naztione Sarda (chi at a cumentzai a is 10.00 in pratza Giovanni XXIII). In d'una nota Nicola Giua de is Cobas Sardigna torrat costruiri sa telefonada de ariseru cun su segretàriu de sa Fiom Sardigna Mariano Carboni. Po sa Fiom - aici Giua contat su diàlogu cun Carboni - "no ddoi est nesciuna possibbilidadi de aprontai in Casteddu una manifestada totus impari [...]: is Cobas, in is bolantinus insoru, atacant a sa Cgil (e sa Fiom est Cgil)".