Abetendi su 28 de su mes''e gennàrgiu: Eja su corteu totus impari. Abetaus s'arrespusta de sa Fiom"

(IlMinuto) – Casteddu, 25 de su mes''e gennàrgiu - "Is Cobas de sa Sardigna funt disponìbilis a fai in modu ca in Casteddu su 28 de su mes''e gennàrgiu de su 2011 si fatzat una manifestada chi aggreghit a prus genti possíbbili e chi pongat a is traballadoris, a is istudinatis, a is citadinus, in sa cunditzioni de no depi 'sceberai' tra is duus corteus". Cun custus fueddus Nicola Giua e Giancarlo Della Corte de is Cobas arrespundint a s'apellu promòviu de Manuela Lucchesu, Gian Luigi Deiana e Vincenzo Pillai po fai una manifestada totus impari Fiom, Cobas, Usb e Sns po s'isciòpiru de cenàbara chi benit. "Dimandaus - prencisant Giua e Della Corte – scéti de arribbai a un'acórdiu comunu asuba de su camminu de su corteu [...]. Seus puru disponìbilis, aundi sa Fiom-Cgil no bolat cundividi, a sa fin''e sa cosa, unu palcu totus impari, cun is relatus de totus is realidadis diversas, a s'attuazioni de unu corteu únicu cun d'una pratza diversa de conclusioni, in custa eus a donai su fueddu a chini bolat fueddai de sa manifestada". Is Cobas de sa Sardigna funt immoi in abetu de s'arrespusta de sa Fiom, "puru po is comunicatzionis a sa Cuestura de Casteddu".