Abetendi su 28 de su mes''e gennàrgiu. Apellu a Fiom e Cobas: "In Casteddu scéti una manifestada"

(IlMinuto) – Casteddu, 24 gennàrgiu - "Sa diri de su 28 de su mes''e gennàrgiu pigat un'importàntzia meda prus manna de cussa rapresentada de s'isciòpiru de una categoria manna de traballadoris o de un'isciòpiru bófiu de is sindacaus de basi". Est custa sa cunvintzioni chi at spintu tres rapresentantis de sa sinistra anticapitalista, Manuela Lucchesu, Gian Luigi Deiana e Vincenzo Pillai, a promovi un'apellu, a sa Fiom e a is Cobas, po aprontai una manifestada totus impari in Casteddu. A pagus oras de sa diffusioni, su documentu at giai arriciu centinas de adesiois. "Sa resisténtzia trubada in Mirafiori de sa Fiom, de s'Usb, de sa Confederazioni de is Cobas e de unu númeru mannu de organizatzionis políticas e de movimentu - si ligit in su scritu - funt sa dimostrazioni in campu de su significau de cantu s'arriscat". In Casteddu s'aprontadura de duas manifestadas divídias e in su própriu tempus - precisant is aprontadoris de s'apellu - iat a tenni efetus noxilis, cun su disorientadura de precàrius, disimperaus e istudiantis de s'opinioni púbblica.