Trasportus, a Manca pro s’Indipendentzia: "S'Itàlia scancellat a is ferruvias sardas"

(IlMinuto) – Casteddu, 10 de su mes''e paschixèdda - "Is ferruvias sardas benint scancelladas. S'Itàlia si ndi andat". Aici su Diretivu política natzionali de aMpI cummentat sa raiadura de sa boxi "Sardigna" de s'agiornamentu de su cuntratu de serbítziu Stadu-Ferruvias 2009-2011. "Sparessius - acrarat s'organizatzioni de sa sinistra indipendentista - su dinai previdiu po allestai su camminu de is trenus tra Santu 'Engiu, Tàtari e Terranòa (607 millioni de euru). Sparessius is pagu prus de 23 millioni previdius po afortiai su tretu de is ferruvias Casteddu- Aristanis. Sparessius puru is 50 millionis chi furiant po s'isvilupu de sa flota navali chi iat ai depiu cumbinai su trasportu marítimu e ferruviariu". Segundu su diretivu de a Manca pro s’Indipendentzia cussu ai liau custas risoras est un'atu aguali a su retiru de su "stadu centrali" de s'Ísula.
"S'Itàlia - scririt aMpI - scordonat is pagus serbítzius donaus e abarrat scéti comenti presétzia coloniali [...]. Nos pensaus ca a faci 'e custu tramamentu su pópulu sardu depat fai unu scèberu frimmu e chi no si podit rinviai. O allonghiai, insistendi sèmpiri de prus, sa manu cu su pratixeddu po sa limúsina o cumprendi ca est necessàriu segai cun s'Itàlia, cun s'italianismu e cun is partidus italianus e cumentzai unu camminu de decolinizazioni chi tengat comenti 'e coru cussu de torrai a costruiri sa natzioni".