Presonis. Cento passi Prc Nùgoro "Aplicai sa territorialidadi de sa pensa. S'artículu 41 bis est una trummentu"

(IlMinuto) – Casteddu, 6 de su mes''e paschixèdda - "Pensaus ca sa difesa de unus cantu de diritus umanus elementaris e ca s'arrespetu de sa Costitutzioni no si podit sacrificai asuba de s'altari de sa 'seguresa' [...]. Seus in veci cunbintus ca tocat a torrai a portai a su centru su dibbàtidu po sa territorialidadi de sa pena e fai di modu chi dógnia presoneri possat scontai su dépidu suu su prus possíbbili acanta de sa família sua". Cun custus fueddus si concluit sa nota "a proposito di 41 bis e territorialità della pena" fatta connosci in is diris passadas de su Círculu Cento passi de su Prc de Nùgoro. In su mes''e fiàrgiu de su 2010 su Consillu comunali de Nùgoro, gratzias a s'odg presentau de su consilleri de su Prc Antonio Pirisi, iat aprovau un'odg chi pedit s'apricu de su princípiu de sa territorialidadi de sa pena. Su círculu Cento passi no cundivit in veci "s'aprovazioni de s'odg po sa custódia de is presoneris in su presoni de Badu’e Carros in regimi de castiamentu ispeciali in basi a is art. 41 bis". "No podeus cundividi - precisat su círculu Prc – is cunsidérius chi si faint asuba de s'esperiéntzia de su presoni ispeciali po unu presuntu 'impestu de foras (de su presoni) de formas noas de assótzius a dilinquiri e gírius terroristicus eversivus'".
Po is comunistas de su Cento passi s'artículu 41 bis de sa lei 354 de su 1975 est "unu regimi penitentziàriu meda grai, chi própriu po mori de essi meda grai sa Corti costitutzionali at nau chi depat essi a sa marolla po pagu tempus. Su Cumitau europeu po su prevenimentu de sa tortura e sa Carta Europea de is diritus de s'ómini ddu bint, cun arrexoni, una forma originali de trummentu".