Irs. Bogaduras, suspensionis, mailing list cuadas e intimas a s’imprenta: est scisma

(IlMinuto) – Casteddu, 13 de su mes''e paschixèdda - Oramai est uficiali: esistint duas Irs, una indipendenti de s'àtera. Sa primu, chi si reconoscit in su presidenti Gavino Sale, s'est reunia ariseru Abbasànta suspendendi a is cumponentis de s'Esecutivu natzionali responsàbbilis - a cantu narat sa fatzioni "Sale" - de ai costruiu un'"organísimu golpista aintru de Irs", atressu de una "mailing list privada e blindada" cun s'obbietivu de nci bogai a su leader de su movimentu. Sa segundha Irs, chi tenit comenti puntu frimmu a is cumponentis de s'Esecutivu natzionali suspendius de is "salianus", s'est reunia in su mangianu de domínigu in Casteddu e at bogau a Gavino Sale de sa scuadra política indipendentista. In su trastempus s'Irs de Sale intimat a "cussus chi ant a arriciri comunicatzionis mail, in nòmini e po contu de Irs, de indirizus de posta eletronica diversus de cussu uficiali, de ddus bolli pubblicai a nòmini de su movimentu". In Abbasànta - si ligit in d'unu comunicau de imprenta - "furiant ausentis is cumponentis de s'Esecutivu trisinaus in is fascìculus bessius a pillu. No endu acetau su cunfrontu, no est duncas stetiu possíbbili acrarai su pensu insoru, po custus motivus funt suspendius e intimaus de s'impitu de su símbolu o de calisisiat àteru referimentu a su movimentu políticu organizau Irs".

Ndr: IlMinuto at a sighiri a esercitai su diritu de cronaca asuba de s'acuntéssia senz''e pigai in cunsidériu eventualis intimas.