Incidentis in su traballu. Costa (Cgil): "Sistemas de seguresa pagu adatus, est foras de conca chi un'operàju morrat strecau de una barca"

(IlMinuto) – Casteddu, 1 de su mes''e paschixèdda - "Ancora una borta assisteus a un'incidenti mortali in su traballu, chi dimustrat a totus cantu siat pagu adatu su sistema de régulas e controllus chi depit assegurai sa seguresa de totus is traballantis". Cun custus fueddus su segretàriu regionali de sa Cgil, Enzo Costa, cummentat sa morti in su traballu de s'operàju Franco Conti, acontéssia ariseru in cantieri navali de Terranòa. Conti, 63 annus, est mortu strecau de una barca in linna meda manna. "Puru si depeus abetai is cumproas ténnicas e de s'ispetori - sighit Costa - beru est ca, pensendu a totu is normas chi arregulant is cumportamentus in acuntéssias de custu tipu, est de foras de conca cussu chi est aconntéssiu, est a nai ca un'operàju siat abarrau strecau asuta de una barca".