"Ho cantato sempre in base a una convinzione": sàbudu in is "Officine corsare" de Torinu su tertzu radunu de ilDeposito.org

(IlMinuto) – Casteddu, 3 de su mes''e paschixèdda - Arribbat a sa terza editzioni su radunu musicali de IlDeposito.org, aprontau de su giòvanu casteddaiu Sergio Durzu, maistu de filosofia e istoria e amanti mannu de is cantus de protesta política e socialis. Unu merì a s'insigna de sa música de protesta, cussu chi s'at a tenni sàbudu 4 de su mes''e paschixèdda in Torinu, a cumentzai de is 17.00 in su Círculu Arci "Officine Corsare", a su númeru de bia Pallavicino. "Eus a passai su merì - ligeus in su blog de ilDeposito.org - a aghilliri chini arribbat, a connosci de personi is amigus nous, a torrai a imbrassai is connoscéntzias bécias, a si contai is novidadis". "Ho cantantato sempre in base a una convinzione" at essi in pagu fueddus un'eventu aundi sa lota, at a benni cantada, sonada e contada.

Ativu de 6 annus, su giassu at arregortu prus de 1.200 cantus de 306 autoris. Cun prus de 600milla bisitas, IlDeposito est puru s'únicu giassu in língua italiana aundi s'agatant is acordus po sonai is cantzonis.