Basis militaris: asuta de processu is indipendentistas chi in su 2005 intrànt in su Poligonu de Teulada

(IlMinuto) – Casteddu, 27 de su mes''e paschixèdda - Is dexi militantis indipendentistas chi su 20 de su mes''e totussantus de su 2005 intrànt in su Poligonu de Teulada ant a finiri debressi asuta de processu. Ddu fait sciri su cordinadori natzionali de Sardigna Natzione, Bustianu Cumpostu. Segundu su leader de Sni funt difatis in arribbu is decretus de citazioni in giudítziu po essi intraus in modu illegali in su Poligoni Militari de Teulada, "ca est logu de intrada vietada in s'interessu militari de su stadu". Sa citazioni in giudítziu noa arribbat a tres annus de distàntzia de su decretu penali de cundenna de su 2007, chi bidiàt s'opositzioni de "sos patriotas". S'atzioni nostra - scririt in su documentu de opositzioni a sa cundenna de tres annus fait Giovanni Antonio Fancello – est serbia po fai cumprendi no scéti a is sardus, ma puru a is sordaus custrintus a abbombiai sa terra nostra, ca cussus ballas bocint no scéti a chini ddas arricit, ma puru a chini ddas sparat, prenas comenti funt de uràniu impoberiu e de àterus belenus".