Is "augúrius de bonas festas" de is Oss (bincidoris de cuncursu, ma senz''e traballu) a Cappellacci, Liori, Simeone e Garau

(IlMinuto) – Casteddu, 21 de su mes''e paschixèdda - Su presidenti de sa Regioni Sardigna, Ugo Cappellacci, s'assessori regionali de Sanidadi, Antonello Liori, su Cummissariu de s'Asl de Casteddu, Emilio Simeone, su Cummissariu de s'aziendha de s'ispidali Brotzu, Garau, is maladius, is parentis e is famílias insoru: funt po custus is "augúrius de bonas festas" de is Oss de su Cumitau artículu 97. Is personis chi faint parti de su Cumitau - chi agiudant a su sindacau de basi Usb - "puru si ant superau cuncursus e nonostanti sa crónica mancàntzia de custas figuras professionalis in is istruturas sanitarias, a oi funt senz''e traballu". In d'una nota, is Oss augurant "bonas festas" a Cappellacci "Chi nonostanti apat pigau s'impignu e s'arriciri po chistionai de sa contienda nostra, no at agatau ancora su tempus de ddu fai", a Liori, Simeone e Garau, "poita agatit su tempus de fai is delíbberas de fai e piota cumprendat ca su èssi príngia no est de si cunsiderai unu costu, ma una risorsa po totu sa sociedadi".