Tràvigu illìcitu de arrefudus de sa Portovesme srl: su 10 de su mes''e paschixèdda cumentzat su processu

(IlMinuto) – Casteddu, 23 de su mes''e totussantus - Is assótzius ambientalistas "Gruppo di intervento giuridico" e "Amici della terra" ant a presentai dimanda po si costituiri comenti parti civili in su processu po su tràvigu illìcitu de is arrefudus industrialis in Portescùsi. Su dibbatimentu s'at a oberri su 10 de su mes''e paschixèdda chi benit in su Tribbunali de Casteddu. "In is mesis passaus - si ligit in d'una nota pubblicada in su giassu de su Gig - est bessiu a pillu puru cussu chi si pensàt de meda annus: unu tràvigu de arrefudus meda perigulosu scartau de is impiantus de sa Portovesme s.r.l dissipau in modu disonestu in is cavas de sa tzona de Casteddu e impitau, fintzas, po prenni is istradas e is pratzas de is ispidalis"