“Totus is lotas impari. Fadeus un’assembrea cun operàjus, pastoris e istudiantis”. Sa proposta de is cassintegraus de s’ex Tzucurificiu

(IlMinuto) – Casteddu, 29 de su mes''e totussantus - "Totus impari si bincit, tocat a dd'acabbai cun is cumpartziduras". Est custu s'apellu fattu de is cassintegraus de s'ex Tzucurificiu de Biddesorris a "totus cussus chi in custus últimus annus si funt movius po sa síngula contienda insoru, aici comenti eus fattu nos. A bortas si funt otentus arrisurtaus positivus parzialis, castia Alcoa o Vol2.0, àteras bortas si funt bias sderrotas malas comenti is acuntéssias Unilever e Euroallumina". "Fadeus - proponint is cassintegraus de Biddesorris - un'assembrea de delegaus de is diversas contiendas chi si funt obertas: operàjus, pastoris, istudiantis, maistus e istudiosus. Un'assembrea chi rapresentit a totus is logus de sa Sardigna, chi chistionit de is formas de lota de pigai po furriai sa situazioni pagu bella chi ddoi est". "No si podeus prus permiti - concluint - de biri is fàbbricas nostras serrai, is satus nostrus cometi desertus, is fillus nostrus disterraus e de tenni un'iscola e un'universidadi chi no permitint a is inzénnerus nous de si costruiri unu tempus benidori".